Khab maiN dekh chuka huN mujhe taa’beer dikhaao
Catagory: Sad
Share on Whatsapp

Ae iraado!!! Mujhe takmeel ki taaseer dikhaao

Khab maiN dekh chuka huN mujhe taa’beer dikhaao

Khaahisho!! AaNkh se bahti hui hasrat na bano

Waqt badla hai to badli hui tasveer dikhaao

Raasto!! Mere liye manzileN aasaaN kardo

Tum mere zer E Qadam rahne ki tauqeer dikhaao

Waahimo!! Hadd E yaqeeN pe mujhe hairaaN na karo

Arsaa E shak se guzar jaane ki tadbeer dikhaao

Hauslo!! Jang ki haalat ko badal kar dekhao

MaiN sipar dekh chuka huN mujhe shamsheer dikhaao


Posted By: Urdu Shairee On: 1/15/2012 6:05:37 AM
Posting ID is: 31

Share